$ 448.15  483.46  4.86

Қуандық Бишімбаев 10 қыркүйекке дейін тергеу абақтысында отырады

Экс-министр Қуандық Бишімбаевтың қамау мерзімі қыркүйекке дейін ұзартылды, - деп хабарлайды Tengrinews.kz Астананың сотына сілтеме жасап.

"Астананың Алматы аудандық № 2 соты күдікті Қуандық Бишімбаевтың қамау мерзімін 2017 жылдың 10 қыркүйегіне дейін ұзартты", - деп хабарлады соттың баспасөз қызметіндегілер.

Еске салайық, Сыбайлас жемқорлыққа қарсы іс-қимыл ұлттық бюросының өкілдері ҚР Ұлттық экономика министрлігін басқарған Қуандық Бишімбаевтың ұсталғанын хабарлаған болатын. "Бишімбаев топ болып, алдын ала келісім жасау арқылы аса ірі көлемде бірнеше рет пара алып отырған. Заңсыз алған қаражатты Бишімбаев өз қажетіне жаратқан", - деп хабарлаған еді Антикоррупция қызметінің өкілдері.

8 айға жуық министр болған Бишімбаев Астана қалалық ІІД-нің уақытша тергеу ұстау изоляторына қамалған еді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары