Қазақстанның басым бөлігінде жел күшейіп, көктайғақ болады

Еліміздің басым аумағында атмосфералық ағымдардың өтуінен қар жауып, тұман түседі, көктайғақ болады, жел күшейеді деп хабарлайды Skifnews.kz.

«Қазгидромет» РКМ-ның хабарлауынша, республиканың батысы мен оңтүстік-шығысында күн ашық болады.

Қостанай облысында бұрқасындатып, тұман түседі, 15-20 м/с жылдамдықпен жел соғады.

Солтүстік Қазақстан облысында кей жерлерде көктайғақ болады, 15-20 м/с жел соғады, бұрқасын болады.

Павлодар облысында бұрқасындатып, 15-20 м/с жылдамдықпен жел соғады.

Атырау, Батыс Қазақстан, Қарағанды облыстарында кей жерлерде тұман түседі деп күтілуде.

Оңтүстік Қазақстан облысында тұман түсіп, көктайғақ болады, түнде және таңертең 15-20 м/с жел соғады.

Жамбыл, Маңғыстау облыстарында тұман түсіп, көктайғақ болады деп болжануда.

Ақмола облысында түнде және таңертең тұман түсіп, күндіз 15-20 м/с жел соғады, бұрқасындатады.

Алматы облысында Жалаңашкөл ауданында желдің күші 17-22 м/с, екпіні 25 м/с-ке жетеді, түнде тұман түседі.

Шығыс Қазақстан облысында түнде кей жерлерде тұман түсіп, күндіз Жарма ауданында 15-20 м/с жылдамдықпен жел соғады.

Астанада сынап бағанасы -3...-5°C көрсетеді, батыстан 9-14 м/с жылдамдықпен жел соғады, көшпелі бұлт шығады деп күтілуде. Түнде және таңертең тұман түседі.

Алматыда ауа температурасы 8-10 градус жылы болады. Көшпелі бұлт шығады.