$ 449.58  486.94  4.86

Танымал түрік актері және моделі Бурак Озчивит Астанаға келеді

«Махаббатым саған ұқсайды» фильмінің тұсаукесері шеңберінде танымал түрік актері, бұрынғы модель Бурак Озчивит Астанаға келеді деп күтілуде. «Сұлтан Сүлейман» телехикаясында Малкочоглу Бали Бей рөлін сомдағаннан кейін Озчивит қазақстандық көрермендердің сүйікті кейіпкеріне айналды.

23 мамыр күні «Арман 3D Азия Парк Астана» кинотеатрындағы гала-кештен кейін Бурак Озчивит «Қазақстан» телеарнасының түсірілім алаңына келіп, «Түнгі студияда Нұрлан Қоянбаев» танымал түнгі шоудың қонағы болады. Жіберіп алмаңыздар! Актердің қатысуымен өткен бағдарлама «Қазақстан» телеарнасының эфирінде 26 мамыр күні сағат 23.30-да шығады.

Бурак – танымал актер, бұдан бұрын модель болған. 2005 жылы түріктің ұлттық «Best Model Of Turkey» атты сұлулық сайысының жеңімпазы атанып, ерлер арасындағы «Best Model Of The World» сайысында жүлделі екінші орынды иеленеді. Шығармашылық жолының басында Бурак Еуропаның танымал брендтерін жарнамалады. 2014 жылы Стамбул қаласында өзінің «Balibey Döner» атты жеке мейрамханасын ашты.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары