"Сүйген жарым болған соң қызғанамын". Қайрат Нұртас келіншегін басқа режиссерлерге жолатпайтынын айтты
Қайрат Нұртас. Орындағаны хит болатын "хитмэн" де, стадионға ине шаншыр орын қалдырмай халықты жинайтын феномен әнші де, түсірген және түскен фильмдері міндетті түрде қомақты қаржы әкелетін актер де осы жігіт. Көптің аузында жүрген ел еркесімен сұхбаттасу соңғы кездері мүмкін емес. Себебі, Қайрат Нұртас сұхбат беру үшін төлемақы сұрайды-мыс. Ал, бұл ақпараттың шын-өтірігін әншінің өзінен сұрап көрдік деп жазады comode.kz.
– Қайрат, сұхбат беру үшін қанша гонорар сұрайсыз?
– Мәссаған, ақша сұрасам сіздің сұрақтарыңызға жауап беруге келіспейтін едім ғой.
– Яғни, өтірік, өсек әңгіме болды ғой?
– Шынымды айтсам, соңғы кездері осындай ақпаратты көп естіп кеттім. Бірақ, менің немесе анамның, болмаса жанымдағы көмекшілердің аузынан мұндай сөз шықты дегенге сенбеймін. Иә, көп кезде сұхбаттарға бармаймын. Себебі, менің уақытым тығыз. Үнемі жолда, гастрольдік сапарларда жүремін.
– Қазір Жұлдызбен бірге гастрольдік сапарда жүрсіз. Қиын емес пе?
– Маған ешқандай да қиын емес. Жұлдыздың кейде жолдан шаршап, қиналатын кездері болады. Бірақ, халықтың ілтипаты, қошыметі өзіне ұнайды.
– Он жыл бойы Жұлдыз туралы жақ ашпау оңай болмаған шығар?
– Ол – рас. Жуырда біреу «осыншама уақыт үйленгенбедім деп айтуға қалай аузың барды» деп инста-парақшама жазыпты. Мен ешқашан «үйленбедім, бойдақпын» деп айтқан емеспін. «Жеке өмірім құпия» деп қысқа жауап беретінмін. Себебі, халық менің өнерімді бағаласа дедім. Ал, жеке өмір расында да жеке болуы керек.
Сіздің реакцияңыз?
Серіктес жаңалықтары
