Осыдан екі күн бұрын Sn.kz сайтында «Қалаулым» бағдарламасының жабылатыны жайлы материал жариялағанбыз. Осы ақпаратты ести салысымен атышулы бағдарламаның жүргізушісі бөркін аспанға атып қуанғандарға желідегі тікелей эфир кезінде жауап берді.
“Бұл бағдарлама халық үшін, көрермен үшін жасалады. “Қалаулымды” көретін көрермен барда “Қалаулым” жалғаса бермек”, – деді әнші тікелей эфир барысында.
Айта кетейік, 28 ақпан күні «Нұр Отан» партиясы жанындағы «Мирас» республикалық кеңесі ҚР Ақпарат және телекоммуникациялар министрлігіне «Қалаулым» бағдарламасын 2018 жылдық 25 сәуіріне дейін жабуды ұсынған. Зиялы қауым өкілдері мен өнер адамдары телешоудың қазақ менталитетіне сай емес екенін бұған дейін де айтып, талай рет сынаған.