Науқас әжеймен ауруханада асыр салып билеп, қарттың көңілін көтерген дәрігердің видеосы желіде таралып кетті. Ақ халаттының бұл қылығына көпшілік сүйсініп, оған ризашылығын білдірді.
Видеода дәрігер аурухана дәлізінде шұлықпен науқас әжей екеуі мәз-маайрам боп биледі. Жұрт ақ халатты жігіттің емделушіні ілтипатпен бөлмесіне қарай бағыттағанына дейін риза болып, пікір жазды.
«Емделушіге ән-би терапеясымен де көңіл күй сыйлап жатқан дәрігерге рахмет», «Керемет дәрігер екен», «Мақсаттарыңыз бен армандарыңыз орындалсын. Бақытты болыңыз», – деп көпшілік шын жүректен алғыс жаудырып, тілек айтты.