Анджелина Джоли қартайып бара жатқанын мойындады

Кезінде әлемдегі ең сұлу әйелдердің көшін бастаған танымал америкалық актриса Анджелина Джоли өзінің қартайып бара жатқанын мойыындап, келбетінің өзгеріске ұшырауына байланысты еш көңілін түсірмейтінін жасырмады.

«Мен бет-әлпетімнің қартайып жатқанын әр күн сайын байқаймын. Және осы қалпым өзіме ұнайды. Өйткені кәрілік өмір сүріп жатқанымды, тірі екенімді білдіреді», -дейді Джоли InStayle басылымына берген сұхбатында.

Ол сондай-ақ, адамның түріне емес, ақылына, ойлау қабілетіне мән беретінін де айтты.

«Мені тек ерекше және бірегей адамдар ғана қызықтырады. Және өзгелердің сұлулық ұғымына ілесіп кете бермейтін адамдарды сұлу санаймын», - деп өз ойымен бөліті танымал актриса.