$ 443.37 € 474.49 ₽ 4.83
Ақмола облысының Атбасар қаласында жол талғамайтын Toyota Land Cruiser автокөлігінің жүргізушісі жаяу кетіп бара жатқан екі адамды қағып, оқиға орнынан қашып кетті. Бұл сәт бейнебақылау камерасына жазылып қалған.
Облыстық Ішкі істер департаментінің баспасөз қызметі хабарлағандай, адам қағып қашып кеткен жүргізушінің кім екені анықталыпты.
"Жол көлік оқиғасы 8 сәуір күні Атбасар қаласында болған. Белгілі болғандай, көлік жүргізушісі жол бойымен кетіп бара жатқан екі жаяу жүргіншіні қағып, тоқтамастан оқиға орнынан бой тасалайды. Жәбірленуші 47 жастағы әйел сол жерде көз жұмды. Екінші адам ауруханаға жеткізілген", - делінген полицейлер таратқан хабарламада.
Аталған жайт бойынша ҚР Қылмыстық кодекстің 345-бабы 3-тармағы бойынша іс қозғалып, сотқа дейінгі тергеу амалдары жүргізіліп жатыр. Күдікті іздестірілуде.
Әлеуметтік желі қолданушыларының жазуынша, көліктің тізгінінде өңірге танымал кәсіпкердің ұлы отырған.
