2050 жылы Қазақстан халқының саны 23 млн адамға жетеді

БҰҰ-ның экономикалық және әлеуметтік мәселелері бойынша департаменті жариялаған есеп бойынша, 2050 жылға таман Орталық Азия елдеріндегі халық саны 94,2 миллион адамға жетеді деп жазады Азаттық.

Осы уақытқа дейін Өзбекстанда 40,8 миллион адам, Қазақстанда — 23 миллион, Тәжікстанда — 14,5 миллион, Қырғызстанда 8,1 миллион, Түркіменстанда — 7,8 миллион адам өмір сүреді, деп есептейді БҰҰ.

Ресей халқы 133 миллион адамға дейін қысқарады, делінген БҰҰ баяндамасында. Болжамға сенер болсақ, 2015 жылғы есеппен салыстырғанда, Ресей халқы шамамен 20 миллионға азаяды.