Өзбекстанда тұзды дауыл соқты. Арал теңізінен ұшқан тұз елдің солтүстік облыстарын басып қалған деп мәлімдеді КТК телеарнасы.
Арал теңізіндегі қатты желдің әсерінен Қарақалпақстан, Хорезм мен Науаи облыстарына түскен тұздың қалыңдығы бір елідей. Қазір тұрғындар тозаңнан қорғану үшін арнайы бетперделер ғана емес, бастан-аяқ қымтанып жүруге мәжбүр. Өйткені денеге тиген жағдайда ашытады. Тұзды дауыл тіпті жолға шыққан жүк көліктерінің жүруіне кедергі келтірген. Кейбір дерек көздеріне сенсек, таза тұз емес пестициді бар масса егістік алқабын, жеміс-жидек бақшасын да басып қалған. Артынша құм аралас тұзды боран Түркіменстанға жеткен. Онда тұз аралас топырақ құбырларға тұрып қалып, жұрт ауыз сусыз отыр.