Педофил шахматшы қыз Бибісара Асаубаеваға порнография суреттері бар хат жолдаған

Лиана Таңжарықованың айтуынша, Батумиде өткен әлем чемпионатында Бибісара әлемнің экс-чемпионы Александр Халифманмен ойнаған еді. Бірнеше күннен кейін Бибісараның атына хат түсіп, оны шахмат клубының қызметкерлері ашқан.

«Хат мазмұны барлығын таңғалдырды. Онда порнографиялық журналдың парағы болды, ол суретте бір топ жігіт кішкентай қызды зорлап жатқаны бейнеленген. Хатта қолданылған мүшеқап болды», - деп жазды ол.

Хат жіберуші ретінде Халифман есімі жазылған. Нақты мекен-жайы хатта көрсетілген. Сондай-ақ, онда Рига-Латвия мөрі басылған. Клуб қызметкерлері полиция шақыртып, олар өз кезегінде бұл деректі тіркеді. 

«Бұл зорлықшының кім екенін білмеймін, бірақ есі ауысқан ұятсыз неме екен, химиялық кастрация қажет. Халифман мырзадан күдіктеніп отырған жоқпыз, кездесуден кейін оған осы жағдайды естіртіпті, ол бізден де қатты таңғалыпты», - деп әңгімеледі шахматшының анасы. Лиана Таңжарықова хат жіберушіге қызынан аулақ жүруге кеңес берді. 

Еске салайық, өткен жылдың қыркүйегінде қазақстандық шахматшы қызға қатысты тағы бір дау шыққан еді. Ресейлік бапкер Евгений Соложенкин Бибісараны алаяқ деп айыптаған, нақтырақ айтсақ, оны электронды құжаттар мен гроссмейстерлердің кеңесін тыңдады деп айыптаған.  Осыдан кейін іспен ресейлік белгілі адвокат Александр Добровинский айналыса бастаған.

Дерккөз: Тengrinews.kz