$ 448.15  483.46  4.86

Алматыда жол апаты кезінде көлік екіге бөлініп кетті

Toyota Crown Majesta Сейфуллин көшесіндегі көпірдің бетон тіреуішіне соқтығысты.

Алматыда бейсенбіге қараған түні ірі жол апаты болды. Жас жігіт мінген шетел көлігі бетон тіреуішке соқтығысты.

Sputnik-ке құқық қорғау органдарынан хабарлағандай, Toyota Crown Majesta Сейфуллин көшесімен оңтүстік бағытта келе жатқан. Райымбек даңғылына жетпей, белгісіз себептермен жүргізуші рөлге ие бола алмай қалып, теміржол көпірінің бетон тіреуішіне соғылған. Соққыдан көлік екіге бөлініп қалды.

1991 жылы туған жүргізуші жедел жәрдем көлігі келгенше сол жерде жан тапсырды. Көлік салонында болған 1992 жылы туған қыз әр түрлі жарақатпен ауруханаға жатқызылды.

Адамдарды салоннан шығару үшін құтқарушылардың көмегі қажет болды. Оқиға орнына сондай-ақ өрт сөндірушілер келіп, өрт шығып кетпеуін қадағалады.    

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары