Алматы облысында болған жантүршігерлік жол апатынан 5 адам қаза тауып, жетеуі зардап шекті. Бұл туралы ақпарат әлеуметтік желілерде тарап кеткен.
Апат Райымбек ауданы Кеген ауылына жақын жерде болған.
Екі көлік Кеген – Сарыжаз – Нарынқол тас жолында соқтығысып, 5 адам жедел жәрдем жеткенше оқиға орнында жан тапсырған. Ал жол апатынан жарақат алған жолаушылардың бірі жан сақтау бөліміне жеткізіліпті.
Қазіргі уақытта полиция жол апатының себеп-салдарын тергеп жатыр.