Оралда ата-аналар баланы 5 жастан бастап мектепке беруден бас тартты (ВИДЕО)

Енді 5 жасқа толмай жатып, балалар бөбекжайлармен қоштасатын болады. Бұл білім министрлігінің қаулысымен енгізіліп отырған өзгеріс. Алайда ата-аналар балаларын ерте жастан мектепке беруге наразылық білдіруде. Себебі бұл жаста оқу бағдарламасын алып кету қиынға соғады деген пікірде деп хабарлайды tdk42.kz.

Березка балабақшасы жанына жиылған ата-аналар балаларын 5 жастан бастап мектепке беруге келіспейтіндерін айтады. Қолдарына білім бөлімінен келіп жеткен хабарламаны ұстап, бұл жаста бүлдіршіндер мектеп бағдарламасын алып кетуге дайын емес дегенді алға тартады.

"Біз балаларымызды 5 жастан бастап мектепке бергіміз келмейді", - дейді Ирина Заварзина.

Ата-аналардың кейбірі жаңа өзгеріс өздеріне қолайсыздық туғызғанын айтады.

Білім бөлімінің мамандары барлық өзгерістер заң жүзінде іске асқалы жатқанын мәлімдеді. Оған сай 6 жастан бастап бала бірінші сыныпқа қабылдануы тиіс. Тағы бір өзгеріс жаңа оқу жылында биылғы жыл соңына дейін 6 жасқа толатын барлық балалар бірінші сыныпқа қабылданады. Ал бұрын тек туған күндері қыркүйек айынан кейінгі балалар қалыс қалып келген болатын. Ата-аналарға жаңашылдықтарға қатысты түсіндіру жұмыстары жалғаспа