$ 441.44 € 473.09 ₽ 4.75
Ресейде өтіп жатқан футболдан әлем чемпионатына бармақ болған қазақстандық видеоблогер Сұңқар Килаж жол апатына ұшырап қаза тапты. Әлеуметтік желілерде ол Stence деген атпен танымал.
Сұңқар жарысты көруге әкесімен және немере ағасымен бірге жолға шыққан екен. Олар Челябі облысындағы Сим қаласына жақын маңда апатқа ұшыраған. Салдарынан үшеуі де тіл тартпай кетті деп жазады URA.RU. Марқұмдардың мінген жеңіл көлігі жоғары жылдамдықта келіп, жолдың қарсы бетіндегі жүк көлігіне соқтығысыпты. Соққыдан кейін екі көлік те өртеніп кеткен.
Апат 6 шілде күні болған. Алайда, көлікте қаза тапқандардың кім екені енді ғана анықталып отыр.
Сұңқар Youtube видеопорталында компьютер ойындарына видеошолу жасаумен танылған блогер. Ол сондай-ақ, ВКонтакте әлеуметтік желісінде де белсенді.
