Ыстық көлге демалуға барған Шымкент тұрғыны кенеттен қайтыс болды

Ыстық көлге демалысқа барған Шымкент тұрғыны қайтыс болды. Қазақстан азаматының мәйіті курорттық аймақтан табылғаны туралы ақпаратты бұған дейін Кабар ақпараттық агенттігі таратқан болатын.

Құқық қорғаушылардың мәліметінше, 5 тамыз күні Бостери демалыс аймағындағы үйлердің бірінен 1979 жылы туған ер адамның мәйіті табылған. Кейінірек анықталғандай, ол Шымкенттің тұрғыны екен. Ыстық көлге әйелімен және 4 баласымен бірге 2 тамыз күні келген. Әйелінің айтуынша, осы күнге дейін марқұм спирттік ішімдік ішіпті.

Қырғызстандағы Қазақстан елшілігі өкілдерінің айтуынша, қайтыс болған ер адамның денесін туыстары бүгіннен қалдырмай елге алып кетеді. Ал, сот-медициналық сараптама марқұмның жүрек ауруынан көз жұмғанын анықтады.