Алматыда Храпуновтардың ісі бойынша сот отырысы басталды

Қылмыстық істер жөніндегі мамандандырылған ауданаралалық сотта Алматының экс-әкімі Виктор Храпунов пен оның жұбайының, сондай-ақ басқа да тоғыз қатысушының ісі бойынша сот процесі өтіп жатыр деп хабарлайды ҚазАқпарат.

Алдын ала тыңдалымда судья қорғаушы тараптың қылмыстық істі тоқтату туралы арызын қанағаттандырмаған еді.

Ерлі-зайыпты Храпуновтардың ісі бойынша 212 куәгер тыңдалуда. Іс материалдары 400 томнан тұрады.

Бұған дейін Виктор мен Лейла Храпуновты, Айяр Ильясовты сырттай қамауға алу туралы бұлтартпау шарасы қабылданған еді. Істің қалған қатысушылары ешқайда кетпеу туралы қолхатпен босатылды. Олардың қатарында Алматы әкімдігінің бұрынғы қызметкерлері де бар.