Қытайда ер адам қызының емі үшін жалған ақша жасаған

Қытайдың Аньхой провинциясында ер адам қызының емі үшін жалған ақша жасауға мәжбүр болғанын айтты.

Полицейлер жұмыссыз ер адамның үйін тексеріп, үш принтерді тапқан. Үйде 2,5 млн юань жалған ақша болған.

26 жастағы ер адам қызының еміне ақша керек екенін айтқан. Ол ғаламтордан құрылғы жайлы оқып, сатып алған. Бірнеше рет тәжірибе жасап, ақшаны сапалы жасауды үйренген. 46 жастағы әкесі құрылғымен басып шығарып тұрған.

Олар банкноттарды жұмсамай, арзанға сатып отырған. Мәселен, 100 юань құнын 8 юаньға сатқан. Пәтерді тінту барысында 240 мың юань табылды (13 млн теңгеге жуық).

Екі жалған ақша жасаушыны да ұстап әкетті. Жалған ақшалар кәмпескеленді.

Дереккөз: Stan.kz