Біріккен Ұлттар ұйымының бұрынғы Бас хатшысы Кофи Аннан 81 жасқа қараған шағында қайтыс болды. Бұл туралы БҰҰ-ның көші-қон жөніндегі халықаралық ұйымы өзінің Twitter-парақшасында жазды.
"Аннан отбасы мен Кофи Аннан қоры БҰҰ-ның бұрынғы Бас хатшысы, Нобель сыйлығының лауреаты Кофи Аннанның 18 тамыз күні қысқа уақыт ауырғаннан кейін қайтыс болғанын ұайғыра жеткізеді", - делінген аталған жазбада.
Кофи Аннан 1938 жылы Ганада туған. 1997-2006 жылдар аралығында Біріккен Ұлттар ұйымының Бас хатшысы болған.