Атмосфералық ағындардың өтуіне байланысты республиканың солтүстік, орталық және шығыс аймақтарында кей жерлерде жаңбыр жауып, солтүстікте оның соңы қарға ұласуы мүмкін, найзағай және екпінді жел сақталады, күндіз бұршақ жаууы мүмкін, түнде және таңертең кей жерлерде тұман күтіледі, оңтүстікте шаңды дауыл болады, деп жазады Қазақпарат Қазгидрометке сілтеме жасап.
Қазақстанның батыс және оңтүстік өңірлерінің біршама бөлігінде күн ашық болады. Республиканың солтүстік және солтүстік-батысында түнде кей жерлерде үсік күтіледі.
Қарағанды, Шығыс Қазақстан, Солтүстік Қазақстан облыстарының кей жерлерінде жел 15-20 м/с, найзағай, түнде және таңертең тұман түседі, күндіз бұршақ жаууы мүмкін.
Қызылорда облысында желдің жылдамдығы түнде кей жерлерде 15-20 м/с, ал екпіні 23-28 м/с күшейіп, шаңды дауылға ұласады. Түркістан облысының кей жерлерінде жел 15-20 м/с, күндіз екпіні 23-28 м/с күшейіп, шаңды дауыл тұрады.
Павлодар, Қостанай облыстарының кей жерлерінде найзағай ойнап, түнде және таңертең кей жерлерде тұман, күндіз желдің күші 15-20 м/с күтіледі.
Жамбыл облысында кей жерлерінде жел 15-20 м/с күшеюі сақталады. Ақмола облысының кей жерлерінде түнде және таңертең тұман болады. Қызылорда, Түркістан, Жамбыл облыстарының басым бөлігінде, Ақтөбе, Атырау, Маңғыстау, Қарағанды облыстарының кей жерлерінде жоғары өрт қаупі сақталады.
Қостанай, Ақмола, Солтүстік Қазақстан, Павлодар облыстарының кей жерлерінде 3 градус үсік жүруі ықтимал.