«Ешқандай зорлық-зомбылық болмады»: Ақтөбеде әйел үш еркекпен жыныстық қатынасқа түскен

Тамызда өзен жағасында жастар алкогольдік ішімдік ішіп, артынша араларындағы жалғыз әйелге күш көрсеткен. Оны жыныстық қатынасқа түсуге итермелеген. Зорлық көрген әйел олардан қашып, сол маңдағы тұрғындардың бірінен көмек сұрайды. Сол жерде полиция шақырып, жәбірленуші өзінің зорланғаны туралы айтқан.

Алайда, жәбірленуші сотта берген жауабында өзін зорламағанын және жыныстық қатынасқа өз еркімен түскенін айтты. Ендігіде 28 жастағы әйел жалған ақпарат бергені үшін жауапқа тартылуы мүмкін.

«Біз ол кезде барлығымыз мас күйде болдық. Топтық жыныстық қатынасқа өз еркіммен түстім. Мен өзімді ұрған еркекке ашуландым. Ал қалғаны кінәлі емес. Сотта жыныстық қатынасқа түскен сәттегі видео қаралды. Ол жерде барлығы өз келісімім бойынша болғаны анық көрінеді. Алайда, мен арыз бергенде зорлық-зомбылық болғанын жазбаған едім. Сол себептен ІІД, прокуратураға да ер азаматтардың ешқандай кінәсі жоқ екені туралы қайта арыз жазуыма тура келді. Бұлай айтуға мені ешкім қыспақтаған жоқ», – дейді Татьяна.

Әйелдің 8 жасар қызы бар.