Сосиканың жарнамасына алданып түсіп қалған Тәуекел Мүсілім эфирде шу шығарды

Актерге «7-арна» журналистері «Сенімен бірге қайғы-мұңымды ұмытам. Сен менің қуанышымсың. Өмірімнің мәнісін» деп сөйлеткен. Кейін Тәуекелдің фонына оның хабарынсыз сосискалар қойып, дайын жарнама ролигін көрсетеді. Актер бірнеше минут үнсіздіктен соң «Мыналарың не? Сендерді сотқа берем» деп ашуланады.

Дәл осылай арна қызметкерлері Нұрлан Еспановты да алдаған. Қашан да күліп жүретін әншінің көңіл күйіне бұл жағдай әсер ете қоймады. Әдеттегідей күле салды.

Айта кетейік, бағдарлама өнер жұлдыздарын ашуландыру үшін арнайы ұйымдастырылған жобалардың бірі.