$ 448.89 € 477.93 ₽ 4.76
Қостанай облысы Қарасу ауданы Октябрьск ауылының 42 жастағы тұрғыны 2 зейнеткерді арақ бермегені үшін пышақтап өлтірген деп жазады kstnews.kz.
26 наурыз күні Алтаев түн ортасында ішімдік іздеген. Оған досы сатушының үйін көрсеткен. Үй иесі оған қарызға арақ сатпайтынын айтқан. Ал қылмыскер оны пышақтап, үйге баса-көктеп кіріп, 77 жастағы екінші кісіні де өлтірген. Сөйтіп, ішімдікке сол жерде тойып алған.
Сараптама нәтижесінде оның аяқ киіміндегі қан марқұмдардан жұғып қалғаны анықталды. Айыпталушы болса, сот залында адам өлтірмегенін, полицейлер күштеуімен ғана қылмысты мойнына алғанын айтты.
Прокурор судьядан айыпталушыны өмір бойы бас бостандығынан айыру жазасын сұраған.
Сот қылмыскерге 23 жылға бас бостандығынан айыру жазасын кесті. Сондай-ақ ол 2 зейнеткердің қызына үш миллион теңге моральдық шығын және сараптама жасағаны үшін мемлекетке 787 мың теңге төлеуге міндеттелді.
