Педофилдерге химиялық піштіру қалай жасалады?

Қазақстанның денсаулық сақтау министрлігі педофилдерді химиялық піштіруге қай өңірлерден сұраным түскені туралы мәлімет берді деп жазады Sputniknews.kz.

Алғашқы химиялық піштіру Түркістан облысының тұрғынына жасалады.

«Әзірше басқа өңірлерден сұраным түскен жоқ», – дейді денсаулық сақтау министрлігі.

Химиялық піштіру – жыныстық құмартуды төмендететін антиандрогендік препаратты ағзаға енгізу. Оны сот шешімінің негізінде медициналық мекеме жүргізеді.

«Медициналық мекемеде препаратты енгізуді медбике ғана жүргізсе, түрмеде пост бақылаушысы да қатысады», – деп түсіндірді денсаулық сақтау министрлігі.

Химиялық піштіру кезінде адамның денсаулығы үнемі бақылауда болып әрі психотерапиялық жәрдем көрсетіледі.

Зертханалық тексеру жарты жылда бір рет жүргізіліп, ағзадағы гормон деңгейі анықталады.

Химиялық піштіруді әрі қарай жалғастыру немесе тоқтату шешімін қабылдау үшін комиссиялық тексеру жүргізілуі тиіс.

Қазақстанда химиялық піштіруді жүргізу үшін «Андрокур-депо» («Ципротерон») антиандрогендік препараты пайдаланылады.