Еркінен тыс тұрмысқа шыққан бойжеткен көпірде асылып өлмекші болды

Қызды күшпен алып қашып кеткен екен. Тұрмысқа шыққанына екі ай ғана болған ол отбасында туған ұрыс-керістен өз-өзіне қол жұмсамақшы болған. Ата-анасына күйеуімен тұрғысы келмегенін айтқан, алайда олар қыздарының ажырасуына қарсылықтарын білдіріпті.

Милиция қызметкерлерінің айтуынша, бойжеткен Шыңғыс Айтматов даңғылындағы көпірде өзін асып өлтірмекші болған. Алайда, сол маңайда жүрген полиция қызметкерлері оны құтқарып қалыпты. Бөлімшеге жеткізілген қыз оны ата-анасының күштен тұрмысқа бергенін және алып қашып кеткен күйеуімен бір тұрғысы келмегендіктен өз-өзіне қол жұмсамақ болғанын айтыпты.