Шешенстанда жанкешті әйел өзін жарып жіберді

Шешенстан Ішкі істер министрлігінің уақытша басшысы Апти Алаудинов Интерфаксқа берген сұхбатында оқиғаның қалай болғанын айтып берді. Оның сөзінше, жанкешті әйел өткізу-бақылау бекетіне қарай жақындаған. Полицейлер оның тоқтауын және құжаттарын көрсетуін талап еткенімен, әйел сөзге құлақ аспапты.

Әйел бекетке жақындап қалған кезде тәртіп сақшылары ескерту ретінде аспанға оқ атыпты. Сол сәтте жанкешті беліндегі жарылғыш затты іске қосқан. Жарылыс салдарынан ешкім зардап шеккен жоқ, тек лаңкес әйелдің өзі ғана қаза тапты.