Қарағанды облысында жолаушы автобусымен жүк көлігі соқтығысты

Қарағанды облысында жолаушылар автобусы жүк көлігімен соқтығысты. Жол апаты 21 қарашада таңертең Қызылорда – Павлодар жолының 982-ші километрінде болды деп хабарлайды ІІМ төтенше жағдайлар жөніндегі комитеті.

45 жолаушы мінген автобус Қушоқы ауылынан Қарағанды қаласына бара жатқан. Апат салдарынан оқиға орнында 28 жастағы жолаушы көз жұмды.

Тағы екі жолаушы автобус ішінде қысылып қалыпты. Оларды құтқарушылар шығарып алды.

Тоғыз адам, оның ішінде бір бала, әртүрлі жарақатпен Қарағандының №1 қалалық ауруханасына жеткізілді.

Дереккөз: Sputniknews.kz