Жаңалықтар 27.11.2018 сағат 04:47  167

БҚО-да жол апатынан үш адам зардап шекті

Жол апаты 26 қарашада кешкі сағат 18:00 шамасында Орал-Атырау тас жолында Круглоозернный және Серебряков ауылдарына жақын маңда болған деп жазады Мой город.

БҚО-да жол апатынан үш адам зардап шекті

 

Жол бойында келе жатқан Toyota Yaris және Lada Granta автокөліктері соқтығысып қалған. Жол-көлік оқиғасының себептері белгісіз. Алайда, қатты соққыдан Lada Granta көлігі жолдан ұшып кеткен.

«Жедел жәрдем станциясына жол апаты туралы хабарлама сағат 18:13-те түсті. Оқиға орнына жедел жәрдем қызметкерлері 10 минутта жеткен. Жол апатынан зардап шеккен үш ер адам қалалық көпсалалы ауруханасына жеткізілді. 41 жастағы ер адамға жабық бас-ми жарақаты диагнозы қойылған. Ал 43 жастағы ер адамның қабырғасы сынған. Тағы 44 жастағы жолаушының тізе буынының жабық жарақаты және қабырғасы сынған», – дейді БҚО Денсаулық сақтау басқармасының баспасөз хатшысы Айнагүл Сақпұсынова.

Соңғы жаңалықтар