Астанада проблемалы 29 тұрғын үйдің құрылысы аяқталмай тұр

Жүзден аса проблемалы тұрғын үй нысандарының ішінде бүгінгі таңда 29 тұрғын үй кешенінің құрылысы аяқталмаған, деп хабарлайды Астана әкімдігінің ресми сайты.

Бұл тұрғын үй құрылысына үлескерлікпен қатысу мәселелер жөніндегі ведомсвтоаралық комиссияның шеңберінде бірлескен әрекеттердің жоспарын іске асырудың арқасында мүмкін болды.

«Өтініштердің алғашқысы 2015 жылдың басынан түсе бастады, 100-ден астам проблемалы нысанның бары анықталды. ВАК шеңберінде бірлескен әрекеттердің жоспары әзірленді. Осы жылдың басында оның саны 62 нысанға дейін қысқарды. Қалғандары пайдалануға берілді. Бүгін 62 нысанның ішінде аса проблемалы 29 нысан бар. Бұлар негізінен қаржыны ұрлаудың нақты фактілері мен мердігерлерге қатысты қабылданған шаралары анықталған объектілер», - деді журналистермен кездесуінде Астана әкімінің бірінші орынбасары Сергей Хорошун.

Оның айтуынша, аталған объектілер «Нұрлы жер» бағдарламасының аясында салынатын болады. Үш апта бұрын «Азбука жилья» Гарант ТК құрылысын аяқтауға қатысты байқау өткізіліп, алғашқы жеткізуші анықталды. Келесі жылдың 4-ші тоқсанында объектіні пайдалануға беру жоспарлануда.

Жалпы, С. Хорошунның мәліметінше, «Үлескерлік құрылыс» туралы күшіне енгеннен бастап 2016 жылдың қазанында Астанада үлескерлердің қаражатын тартуға 88 рұқсат берілген болатын. Бүгінгі таңда 30 нысан пайдалануға берілді. Ол шамамен 5,5 мыңға жуық пәтер. 16 мыңнан астам пәтері бар 58 нысанның құрылысы жүргізіліп жатыр.