Жаңалықтар 12.12.2018 сағат 05:35

Шымкент әкімі жастарға Instagram-да отырғанша, жұмыс істеуге кеңес берді

Бүгін Шымкентте белсенді жастар форумы өтті. Форум аясында Шымкент әкімі Ғабидолла Әбдірахымов мемлекет тарапынан жастар қауымына көрсетілетін қолдауды атай келе, оларды жұмысқа бейім болуға шақырды. Соның ішінде әлеуметтік желіге бейім жастарды сынның астына алды деп жазады Sputniknews.kz.

Шымкент әкімі жастарға Instagram-да отырғанша, жұмыс істеуге кеңес берді
Бөлісу
Бөлісу
Бөлісу

«Қазіргі заманда бұрынғымен салыстырғанда мүмкіншіліктер әлдеқашан жоғары. Сондықтан да жастарға айтқым келетіні, Instagram-да «комментарий» жазудың орнына барып жұмыс істеңдер. Базарға барып жүк тасыңдар немесе сауда нүктесін жалдап, көтерме саудагерлерден көкөніс алып сатыңдар.  Тігін шеберханасын, шаштараз ашыңдар. Істеймін дегенге жұмыс көп», –деді Шымкент әкімі.

Ғабидолла Әбдірахымов «Болашақ» бағдарламасымен Германияда оқыған кездерін еске түсірді. Оның айтуынша, қалталы отбасыдан шыққандар «баймын» деп балқып-шалқымай, керісінше, дәмханаларда даяшы болып нәпақа тауып, жатақханада тұрған екен. Шетелдік жастардың түсінігі бойынша әкенің байлығы балаға мал болмайды.

Сондықтан студент, жас кезде барлық жұмыс жарасады. Сіздерге ешкім ешнәрсе деп айта алмайды. Жұмыстан ешқашан ұялмау керек. «Жұмыс істеймін, мына жерден осынша ақша тауып жатырмын. Мен тәуелсізбін, ата-анама көмектесіп жатырмын» деңіздер. Тамаша емес пе?», – деді әкім.

Айта кетсек, бүгінгі форум Шымкент қалалық балалар, отбасы және жастар істері жөніндегі басқарманың ұйымдастыруымен өтіп отыр. Форум барысында еліміздің түкпір-түкпірінде өз саласы бойынша талай шыңдарды бағындырған белсенді азаматтар шымкенттік жастарға өз тәжірибелері туралы айтты.

Оқи отырыңыз

загрузка...

Соңғы жаңалықтар

Қызықты материалдар