$ 447.4 € 477.55 ₽ 4.76
Орал-Самара тас жолында спирттік ішімдік ішкен 29 жастағы ер адам 2 жаяу жүргіншіні қағып кетті деп жазады uralskweek.kz.
Оқиға 11 желтоқсан күні болған. 29 жастағы «ВАЗ-21150» автокөлігінің жүргізушісі 1990 жылғы полиция қызметкері мен 1983 жылғы ер адамды қағып кеткен.
«Бас жарақатын алған полиция қызметкері облыстық ауруханаға жеткізілді. Екіншісі жедел-жәрдем жеткенше көз жұмды», – дейді Денсаулық сақтау басқармасының баспасөз қызметі.
Облыстық полиция департаментінің баспасөз қызметі жүргізушінің қашып кетпек болғанын, алайда полиция көлігі оны 400 метрге дейін қуып, ұстап алғанын айтады.
