Жаңалықтар 19.12.2018 сағат 16:41  202

Таразда түрмедегі күйеуіне азық-түлік беріп жіберген әйел 20 жылға сотталуы мүмкін

Таразда ЖД-158/2 колониясының қызметкерлері жеке заттарды тексеру кезінде азық-түліктен есірткі тауып алды. Бұл туралы ҚР ІІМ қылмыстық-атқару жүйелері комитетінің баспасөз қызметі хабарлады.

Таразда түрмедегі күйеуіне азық-түлік беріп жіберген әйел 20 жылға сотталуы мүмкін
Бөлісу
Бөлісу
Бөлісу

Ведомствоның мәліметінше, сотталушылардың бірінің әйелі есірткі затын (гашиш) алты орамаға түйіп, еттің майына жасырған.   

Контрабанданың жалпы салмағы 20 грамға жуықтайды.

Оқиға мереке күндері болған. Қазіргі уақытта аталған факті негізінде 297-бап (ірі көлемде есірткі заттарын, олардың балама түрлерін заңсыз дайындау, өңдеу, сатып алу, сақтау, өткізу, жіберу немесе сату мақсатында тасымалдау) бойынша қылмыстық іс қозғалды. Әйел бес жылдан жиырма жылға дейін бас бостандығынан айырылуы мүмкін.

Бұдан бұрын Қостанай облысында осыған ұқсас оқиға болған еді, ол кезде сотталған адамға әкелінген пластмасса ыдыстағы балдан 33 грамм гашиш табылған.

Дереккөз: Sputniknews.kz

Оқи отырыңыз

‡àãðóçêà...

Соңғы жаңалықтар