Батыс Қазақстан облысында боранға байланысты жол жабылды деп жазады ҚазАқпарат.
«Қазавтожол» ЖШС БҚО филиалының мәліметіне қарағанда, бүгін сағат 11.00-ден бастап қатты бұрқасынға байланысты оңтүстік аудандар бағытындағы жолдар жабылды.
Атап айтқанда, республикалық маңызы бар «Қазталов-Жәнібек-РФ» шекарасы және «Өнеге-Бисен-Сайқын» жолында барлық автокөліктер қозғалысына шектеу қойылды.
Осыған байланысты БҚО ТЖ департаменті ескерту жариялап, тұрғындарға СМС- хабарламалар жіберуде.
Сонымен қатар, БҚО жолаушылар көлігі және автомобиль жолдары басқармасының мәліметіне сәйкес, сағат 13.00-ден бастап облыстық маңызы бар «Жалпақтал-Жұлдыз-Қарасу» және «Жаңақала-Сайқын» жолдары да жабылды.