Шымкентте автобус коммуналдық қызмет жұмысшысын қағып өлтірді

Шымкентте коммуналдық қызмет жұмысшысы жол-көлік оқиғасы салдарынан қайтыс болды деп жазады Otyrar.kz.

Жол апаты Темірлан тасжолында болған. Қоғамдық көліктің жүргізушісі «Тұрмыс» ЛТД компаниясының шамамен 40 жастағы жұмысшысын қағып кеткен. Ол қала көшелерін, жол жиегі мен тротуарларды тазалау жұмыстарымен айналысқан.

Жол -көлік оқиғасы болғанға дейін әйел адам өзіне берілген аймақты тазалау жұмыстарымен айналысып жатқан. Жұмысшының үстінде жарық шағылыстыратын жолақтары бар сарғылт жейде болған.

Жол апаты болған жерге полицейлер шақыртылды. Қала көшелерін тазалауға шығатын жұмысшылар өз ісін таңғы алтыдан бастайтыны белгілі.