№2 қалалық аурухананың бас дәрігері Біржан Досмаилов Астанада газдан уланған 4 баланың жағдайы жайлы айтты.
Ол балалардың педиатр, реаниматолог және травматолог дәрігердің қабылдауында болғанын айтты.
«Балалардың денесінде күйік жоқ. Олар тек газдан уланған. Екі үлкен баласын ата-анасы дәрігерлер тексеруінен кейін үйіне алып кетті», – дейді бас дәрігер.
Ал қалған екеуінің жағдайы орташа. Олар тағы бірнеше күн ем алулары керек.
Еске сала кетейік, 9 қаңтар күні Астанадағы жатақханалардың бірінде өрт шығып, бір үйдің 4 бірдей баласы газдан уланып қалған болатын.
Дереккөз: NUR.KZ