Алматыда түнгі клубқа кеткен жігіт жоғалып кетті

Алматыда 21 жастағы жігіт түнгі клубқа кеткеннен үйіне қайтып оралмаған. Айбек Қаниевті туыстары екі күннен бері іздестіріп жатыр, деп жазады ҚазАқпарат.

Баласының жоғалғаны туралы әкесі Мұрат Құндақбаев facebook-тегі парақшасында хабарлады.

Жас жігітті соңғы рет достары 24 ақпанда «Black Hole Bar» барында таңғы 4:00-де көрген. Содан жігіт үйіне қайтып келмеген. Телефоны екі күннен бері өшіп тұр.

Айбек үстіне қара күрте, кроссовка, джинсы киіп жүрген. Оның туыстары полицияға арызданды.