Жаңалықтар 13.03.2019 сағат 03:20

Жамбыл облысында қызылша ауруын 129 адам жұқтырған

Жамбыл облысында қызылша ауруы белең алып барады деп жазады ҚазАқпарат.

Жамбыл облысында қызылша ауруын 129 адам жұқтырған
Бөлісу
Бөлісу
Бөлісу

Облыста соңғы бір айдың ішінде бұл дертті жұқтырғандардың саны үш есеге көбейіп кеткен. Мәселен, өткен айда облыс бойынша осы ауруға 40 адам шалдықса, қазір бұл  көрсеткіш 129-ға жетті. Олардың 100-ге жуығы бала болса, оның 50 шақтысы әлі бір жасқа толмаған нәрестелер екен. Қазір эпидемияға қарсы шаралар қарқын алып, тәулік сайын мониторинг жасалып жатыр.

Мамандардың айтуынша, ауырғандардың дені екпе алудан бас тартқандар мен вакцина алу жасына жетпеген балалар.

«Қызылшадан қорғанудың жалғыз тиімді жолы вакцина. Қызылшаға қарсы вакцина жеткілікті. Қоймада қазіргі таңда 7900 доза вакцина бар. Енді тұрғындарға айтатынымыз, вакцинадан және басқа да ауруларға вакцина алудан бас тартуға болмайды», – дейді облыстық Қоғамдық денсаулық сақтау департаменті басшысының орынбасары Күмісбек Рахимов.

Айта кетейік, бүгінге дейін екпе алғаны туралы ешбір мәлімет жоқ 691 адамға екпе жасалған. Сондай-ақ, жыл басында 1 жасқа дейінгі және 6 жастағы 3 мыңға тарта балаға қызылшаға қарсы екпе салынған.

Оқи отырыңыз

загрузка...

Соңғы жаңалықтар

Қызықты материалдар