Жаңалықтар 15.03.2019 сағат 11:53

Қазақстанда параның орташа көлемі 3 есе артқан

Қазақстанда параның орташа көлемі 3 есе артқан. Бұл туралы Стратегиялық бастамалар орталығының директоры Бақытжан Саркеев айтты, деп хабарлайды ҚазАқпарат.

Қазақстанда параның орташа көлемі 3 есе артқан
Бөлісу
Бөлісу
Бөлісу

Форум барысында ол 2018 еліміздегі жемқорлыққа жүргізілген әлеуметтік сауалнама нәтижесін жария етті. Сауалнама Қазақстанның 14 облысы мен Астана, Алматы және Шымкент қалаларындағы 4100 бизнес субъектісінен алынған жауаптар негізінде түзілген. 

«Егер сауалнама қорытындысы жайындаайтар болса, жемқорлыққа тап болған кәсіпкерлердің саны 2017 жылмен салыстырғанда 23 пайызға кеміген. Пара беруге мәжбүр болған кәсіпкерлер саны артқан. Себебі олар проблемаларын шешудің басқа жолын таппаған. Респонденттердің пайымынша, жемқорлық мәмілелерге 49 пайыз жағдайда кәсіпкердің өзі бастамашылық жасайды. Яғни, 49 пайыз жағдайда кәсіпкер онсыз да тегін көрсетілетін қызметке ақы төлейді», - деді ол бүгін Кәсіпкерлердің сыбайлас жемқорлыққа қарсы іс-қимылы жөніндегі ІІІ республикалық форумда. 

Осы орайда, орталық директоры берілетін параның орташа көлемі соңғы 2 жылда айтарлықтай ұлғая түскендігін баса айтты. 

«Ең қызығы параның орташа көлемі қылмыстық жауапкершілікке тартылу тәуекелінің артуына байланысты  2016 жылғы 61 мың теңгеден 2018 жылы 193 теңгеге дейін, яғни, 3,2 есеге өсіп отыр»,-  деді Б.Саркеев.

 

Оқи отырыңыз

загрузка...

Соңғы жаңалықтар

Қызықты материалдар