Алматыдан 438 шақырым жерде жер сілкінді

Бүгін Алматыда жергілікті уақыт бойынша түстен кейін 15 сағат 27 минут 29 секундта жер сілкінісі тіркелді, деп хабарлайды «Қазақпарат».

Бұл мәліметті ҚР Білім және ғылым министрлігі Ғылым комитетінің «Сейсмологиялық тәжірибе-әдістемелік экспедициясы» мемлекеттік мекемесінің сейсмикалық станциялар желісі таратты.

Жер асты дүмпуінің ошағы Алматы қаласынан оңтүстік батысқа қарай 438 шақырым жерде, Қырғызстан аумағында орналасқан.

Зілзаланың энергетикалық қуаты - 9.6. Магнитудасы MPV - 4.2. Тереңдігі - 5 шақырым.

Жер сілкінісінің сезілгендігі туралы мәлімет жоқ.