Бүгін 14 маусымда Ақтау қаласының 10-ықшамауданынан үлкен жылан табылды, деп жазады Lada.kz.
Куәгерлердің айтуы бойынша, орталықта жұмыс істейтін қыз бала қорықпастан жыланды қолына алып, пластикалық бөтелкеге салған. Одан соң «шақырылмаған қонақты» теңізге жіберген.
Биыл жыландардың көбеюі тұрғындарды алаңдатып отыр. Мамыр айының соңында Ақтаудағы №14 үй дәретханасынан жылан шыққан болатын.
Осы оқиғадан соң, Маңғыстау облыстық тарихи-өлкетану мұражайының табиғат бөлімінің мамандары тұрғындарға қауіптің жоқ екенін мәлімдеген болатын. Себебі су жыландарының адамға ешқандай зияны тимейді екен.