$ 445.66 € 474.58 ₽ 4.78
Жамбыл облысы Мойынқұм ауданында Балқаш көліне шомылған 35 жастағы тұрғын суға батып кетті, - деп хабарлайды ҚазАқпарат.
Қайғылы жағдай 23-ші маусым күні кешкісін болды. Оқиға орнында шұғыл іздестіру жұмыстарын жүргізген облыстық төтенша жағдайлар департаментінің мамандары 24-маусым күні түс ауа тұрғынның мәйітін судан шығарған. Бұл туралы аталмыш департаменттің баспасөз қызметі мәлімдеді.
«Ағымдағы жылдың 23-маусымында сағат 18:30-да Мойынқұм ауданы, Мыңарал ауылынан 2 шақырым қашықтық аумақта Балқаш көлінің шомылуға арналмаған бөлігінде 1984 жылы туған азамат шомылу барысында суға батып кеткен. Азамат жеке құтқару құралдарынсыз болған. Мәйіт ТЖД-нің жедел құтқару жасағының 5 қызметкер және 1 жүзу құралының көмегімен табылып, судан шығарылды»,-делінген ведомство хабарламасында.
Мамандар суға шолмылғанда арнайы ережені сақтауды және барынша сақ болуға шақыруда.
