Жаңалықтар 27.11.2015 сағат 04:46

Астанада бірнеше миллионға салынып жатқан мұз қалашығы еріп кетуі мүмкін

Қытайдан арнайы маман шақырып, қардан қалашық тұрғызып жатқан жергілікті мүсіншілерге арқаның сақылдаған сары  аязы жетпей тұр. Бірер күннен бері елордада сынап бағанасы 0 градустан аспай, күн күрт жылынып кетті.

Бөлісу
Бөлісу
Бөлісу

Бірақ, қалайда миллиондарды игеру керек болғандықтан құрылысшылар  күн-түн демей жаңа жылға арналған қалашықты тұрғызып жатыр. Әрі отандық мүсіншілердің шамасы жетпесе керек, қытайлық әріптестерінің көмегіне жүгініпті деп хабарлайды КТК арнасы.

Тәуелсіздік күніне дейін жаңа жылға дайындықты бастамау туралы «Нұр Отанның» ұсынысын елемеген Астана әкімдігі бұған қанша қаржы бөлінгенін де жасырып отыр. Ал, дәл осындай мұз қалашығы елорданың 4 жерінде салынуда.

Ең үлкені Хан Шатыр орталығының қасында бой көтереді. Олар 1-ші желтоқсанда ашылып, дәл осы күні Нұрсұлтан Назарбаев еліміздің бас шыршасын өзі жағады. Бірақ аяздың жоқтығынан мұз тапшылығын ескерсек, 5 күн ішінде қалашықты тұрғызу қиынға соғайын деп тұр.

“24 сағат жұмыс істеп жатырмыз уақытында тапсыру үшін. 1-інде тапсырамыз құдай қаласа. Үлгереміз деп ойлаймыз”, – дейді Мұз қалашығына жауапты компания басшысы Мәди Қанапин.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар