Қостанай облысында аудан әкімі пара алды деген күдікпен тұтқындалды

2 шілде күні Қостанай облысы Сыбайлас жемқорлыққа қарсы қызметінің қызметкерлері Әулиекөл ауданының әкімі Асхат Қисықовты бөлімшеге шақырды, деп хабарлады Tobolinfo.kz 

Сыбайлас жемқорлыққа қатысы бар деген күдікпен ұсталған әкім түсініктеме берді. 

Қисықов Аманқарағай мектебінің құрылысы кезінде пара алды деген күдікке ілігіп отыр. Бұл іске қатысты бар деген күдікпен Әулиекөл ауданы әкімдігінің аппарат басшысы Ибрагим Бекмұхамедов те жауапқа тартылды.