Жаңалықтар 08.07.2019 сағат 16:19

Ермекбаев Арыс қаласына келді

Жұмыс жүріп жатқан жерде оқ-дәрілер қалдықтарын тазарту жөніндегі шараларды орындап жатқан инженерлік-саперлік, материалдық-техникалық бөлімшелер және әскери өрт сөндірушілер жеке құрамымен қауіпсіздік шараларын сақтау жөнінде нұсқама жүргізілді.
Ермекбаев Арыс қаласына келді
Бөлісу
Бөлісу
Бөлісу

ҚР Қорғаныс министрлігі Нұрлан Ермекбаев Арыс қаласына келді, деп xабарлайды министрліктің баспасөз қызметі. 

Өңірдегі жұмыс сапары барысында әскери ведомство басшысы генерал-майор Нұрлан Ермекбаев қала маңын қарап, арсенал мен іргелес жатқан аумақты, сондай-ақ оқ-дәрілер қалдықтарын жою бойынша полигонды  тексерді. 
Жұмыс жүріп жатқан жерде оқ-дәрілер қалдықтарын тазарту жөніндегі шараларды орындап жатқан инженерлік-саперлік, материалдық-техникалық бөлімшелер және әскери өрт сөндірушілер жеке құрамымен қауіпсіздік шараларын сақтау жөнінде нұсқама жүргізілді.  

Қорғаныс ведомствосының басшылығы бірқатар нақты тапсырмалар қойды. Бірінші кезекте адамдардың қауіпсіздігін қамтамасыз ету. Екінші кезекте оқ-дәрілердің бөліктерін іздестіру және шығару бойынша жұмыстарды атқарып жүрген әскери қызметшілердің қауіпсіздігі.   

Сондай-ақ күрделі ауа райы жағдайында тәулік бойы жұмыс жасап жатқан ҚР ҚК бөлімшелерінің жеке құрамымен кездесу өтті. Жоғарғы Бас қолбасшы атап өткендей, төтенше жағдайлардың салдарын жою жөніндегі әскери қызметшілердің жұмысы жауынгерлік тапсырманы орындауға теңестіріледі. Төтенше жағдай себептерін айқындау бойынша ішкі қызметтік тергеп-тексеруді жүргізу үшін Н. Ермекбаевпен бірге ҚР Қорғаныс министрлігі Бас инспекциясының комиссиясы келді.   

Естеріңізге сала кетсек, осы өңірде жарылмаған оқ-дәрілерді тиеу және шығару, сондай-ақ оқ-дәрілердің қалдықтарын жою жөніндегі жұмыстар басталғанын хабарлаған болатынбыз. Қала тұрғындары үшін аталған жұмыстар еш қауіп туғызбайды. 

Оқи отырыңыз

загрузка...

Соңғы жаңалықтар

Қызықты материалдар