Қасым-Жомарт Тоқаев ресейлік журналист Алексей Пивоваровтың «Президент 2.0» деректі фильмінде алғаш рет сұхбат берді. Ол өзі туралы және шыққан тегі туралы айтты деп хабарлайды Stan.kz ақпарат агенттігі.
«Басында жаңа лауазымға құлағым онша үйренбеді. Көпшілік жиналған іс-шараларда «Президент, президент» дегенді естігенде, Нұрсұлтан Әбішұлы Назарбаев келе жатыр ма деп ойлап қалатынмын. Бірақ бұл уақытша нәрсе екен, жақсы нәрсеге тез үйреніп кетеді екенсің», - деді Тоқаев сұхбат барысында.