$ 444.32 € 473.33 ₽ 4.76
Тунис президенті әл-Баджи Гаид ас-Себси 92 жасында қайтыс болды, - деп хабарлайды Тengrinews.kz ақпараттық агенттігі РИА Новости басылымына сілтеме жасап.
Мемлекет басшысының қайтыс болғаны туралы мәліметті оның әкімшілігі жариялады. Осыған дейін, президенттің әскери ауруханаға жатқаны туралы айтылған еді.
«2019 жылы 25 шілдеде, бейсенбі күні таңғы уақытта Тунисте әскери ауруханада әл-Баджи Гаид ас-Себси Республикасының Президенті қайтыс болды», - делінген Президент Әкімшілігінің хабарламасында.
Соңғы айларда Тунис президенті денсаулығына байланысты бірнеше рет ауруханаға жатты. Ас-Себси 2014 жылдан бастап Тунистің президенті қызметін атқарды. Ол әлемдегі мемлекет басшылары арасындағы ең қарт президент болатын.
