Еліміздің басым бөлігінде күн жауын-шашынды болпды

Атмосфералық фронталды бөліктердің өтуіне байланысты 26 шілде күні Қазақстанның басым бөлігінде құбылмалы күн райы күтіледі, жаңбыр жауып, найзағай ойнайды. 

Республиканың тек оңтүстігінде жауын-шашынсыз, ашық ауа райы сақталады. Еліміздің кей жерлерінде екпінді жел, дауыл, бұршақ, солтүстікте тұман күтіледі, деп хабарлайды ҚазАқпарат. 

«Қазгидромет» РМК мәліметінше, Атырау, Қарағанда, күндіз Батыс Қазақстан облыстарының кей жерлерінде дауыл күтіледі, жел 15-20 м/с күшейеді. Кей жерлерінде бұршақ жаууы мумкін. 

Маңғыстау, Актөбе, күндіз Ақмола, Алматы, Жамбыл, Қызылорда, Қостанай облыстарының кей жерлерінде желдің күші 15-20 м/с артады. Ақмола, Қостанай, Солтүстік Қазақстан облыстарында түнде және таңертең кей жерлерінде тұман күтіледі. 

Павлодар облысының жекелеген аумағында тұман болжанады, бұршақ жаууы мүмкін. Күндіз найзағай кезінде жел 18 м/с күшейеді. 

Шығыс Қазақстан облысының кей жерлерінде дауыл тұрып, күндіз бұршақ жаууы ықтимал. Түнде және таңетен тұман күтіледі. 

Күндіз Алматы, Түркістан, Қызылорда, Атырау облыстарында, Маңғыстау, Батыс Қазақстан, Ақтөбе облыстарының кей жерлерінде қатты ыстық күтіледі. 

Сондай-ақ Қызылорда, Түркістан, Жамбыл, Ақтөбе, Алматы, кей жерлерде Қарағанды, Шығыс Қазақстан, Қостанай облыстарында өте жоғары өрт қаупі сақталады.