Алматыда мешіт өртке оранды

Алматыда жұмыс істемей тұрған мешіттен өрт шықты, деп хабарлайды ҚазАқпарат. 

Қалалық Төтенше жағдайлар депртаментінен мәлім еткендей, өрт туралы хабарлама 26 шілде күні сағат 23:14-те түскен. 

«Алматы қалалық ТЖД-ның пультіне Түрксіб ауданының Жасқанат шағынауданында жұмыс істемей тұрған мешіттің жанып жатқаны туралы хабарлама түсті. Алғашқы өрт сөндірушілер 7 минуттан кейін, яғни сағат 23:21-де оқиға орнында болды», - деді департаменттің ресми өкілі Сандуғаш Баймұхамбетова. 

Жалын бір сағаттан астам уақыттан кейін ауыздықталды. 

«Құрбан болғандар мен зардап шеккендер жоқ», - деп нақтылады ресми өкіл.