Теңіздегі вахта қызметкерлерінің ЖИТС-ті қайдан жұқтырғаны іздестірілуде деп хабарлайды ҚазАқпарат.
"Бүгін бұқаралық ақпарат құралдарында Орал қаласының төрт тұрғының ЖИТС жұқтырғаны туралы ақпарат тарады. Олардың барлығы да "Теңізшвройл" компаниясының Теңіз кенішінде вахта әдісімен жұмыс істеп жүрген деген ақпарат бар. Қазіргі таңда вирус жұтырған 4 адамның екеуі ғана Теңізде болғаны анықталды. Бұл жағдай бойынша Теңізде жұмыс істейтін медицина мамандарының қатысуымен эпидемиологиялық тергеу жүргізіледі",- деді ЖИТС пен АИТВ инфекцияларының алдын алу орталығының директоры Нұрқабыл Айтмұхамбетов.
Осы кезде облыста вирус жұқтырғандар саны 21 адам. Жыл басынан бері тамыз айына дейін 18 адам науқастанған.