Forbes журналы әлемнің ең көп ақы төленетін актрисаларының рейтингін жариялады, деп хабарлайды ҚазАқпарат. Скарлет Йоханссон лидер атанды. Сарапшылардың деректеріне сәйкес, ол 2018 жылдың 1 маусымынан 2019 жылдың 1 маусымына дейін $56 млн табыс тапқан. Актрисаға ең басты кіріс Marvel кинокомпаниясынан бұйырды. Атап айтқанда, Скарлет Йоханссон қомақты соманы өзінің «Қара жесір» фильмінен тапты, ал «Кекшілдер» фильміндегі рөлі үшін $35 млн гонорар алды.
Сондай-ақ, тізімге София Вергара ($44,1 млн), Риз Уизерспун ($35 млн), Николь Кидман ($34 млн), Дженнифер Энистон ($28 млн) және Кейли Куоко ($25 млн) енді.
Алғаш рет рейтингке өткен жылы екінші орын алған Анджелина Джоли, Джулия Робертс, Кейт Бланшетт және Дженнифер Лоуренс кірмей қалды. Олардың орнын Элизабет Мосс ($24 млн) және Марго Робби ($23,5 млн) толтырды.
Ондыққа Шарлиз Терон ($23 млн) және Эллен Помпео ($22 млн) да енді. Еске сала кетсек,21 тамызда Forbes жылсайынғы әлемнің ең көп ақы төленетін актерлер тізімін жариялаған еді. Дуэйн Джонсон биылғы жылғы ең бай актер атанды.